البدايه الالف

اهلا وسهلا ايها المتابع الجميل في اول منشور في المدونة 

اعرفك بنفسي ...

اسمي رامي وحيد انا خريج كلية العلوم تخصص : رياضيات وعلوم الحاسب جامعة الزقازيق

ايون علوم مش كيميا وفيزيا وبس زي ما انت قرأت كده. 

وتقدر تقول اني : Android Developer

انا بدايتي علي عالم المعلوميات والأنترنت يعتبر منذ ان كنت في الصف الثالث الاعدادي تقريبا منذ ٢٠٠٧ 

كانت اول تجربه لي مع الحاسب كانت في الصف الاول الاعدادي تقريبا ايضا ٢٠٠٥ عندما اشتري عمي اول جهاز كمبيوتر في العائلة وكان هذا سبق تاريخي في ذلك الوقت .. لن اطيل في الكلام

في الصف الثالث الاعداي ٢٠٠٧ كانت اول مره اتعلم فيها لغه ال HTML في المدرسة 

وبعد الحصه دي وانا كنت قررت اني اتعلم برمجه فضلت احاول اتعلم باسهل طرق لكن للاسف كنت ديما بدور علي اسرع طريقه للتعلم ومكنتش بحاول اتعب 

وفي الصف الثالث الثانوي ... في الاجازه تحديدا بعد انتهاء الامتحانات كنت قررت البدء في هذا العالم من جديد 

واستمريت لمده ٣ شهور يوميا اجلس ١٣ ساعه علي الانترنت حتي احاول ربح المال من الانترنت. 

لكن انتهت الاجازه ودخلت الجامعه ولم اجن سوي ٢١ دولار علي البنوك الالكترونية ولم استطيع حتي سحبهم !!

وظهرت النتيجه ... رامي وحيد منصور ٩٢ ٪ وضاع حلم رامي انه يدخل حاسبات ومعلومات

وطبعا ابويا قالي قدم في كلية خاصة ( هندسه ) ولما فعلا قدمت والنتيجة جت ليا اني اتقبلت قولت ليهم في البيت اني اتخصص اتصالات ... ومش رضيوا بكده قالوا ادخل قسم له لزمه مدني او ميكانيكا 

فضلت يوم واتنين ابحث علي النت لحد ما اكتشفت ان كليه علوم الزقازيق فيها قسم رياضيات وعلوم حاسب 

وهنا نطيت من الفرحة خصوصا ان مجموعي جايبها ... حولت التنسيق مره ثانيه ودخلت الكليه وانا حابب اني هدرس حاسب فيها ^__^

ااااااه وقضيت اجمل سنين في كليه علوم دي بجد كانت اجمل ايام الحياه 

واتخرجت معايا بكالوريوس في الرياضيات وعلوم الحاسب .

وفي اللحظه دي انا بكتب فيها ومستني الجيش 

الحمد لله لبست ظابط ٣ سنين 

كانت هذه اول تدوينة وربنا يسهل
دي كانت قصة عن بدايتي ولكن تستمر البدايات